پاکستان اور بین الاقوامی مالیاتی فنڈ (IMF) کے درمیان نئے مالی سال کے بجٹ اور معاشی اصلاحات پر اہم مذاکرات مکمل ہوگئے ہیں۔ حکومت نے آئی ایم ایف کو یقین دہانی کرائی ہے کہ مالی خسارہ کم کرنے، ٹیکس نظام بہتر بنانے اور توانائی کے شعبے میں اصلاحات جاری رکھی جائیں گی۔ رپورٹس کے مطابق پاکستان نے 2027 تک جی ڈی پی کے 2 فیصد کے برابر بنیادی بجٹ سرپلس حاصل کرنے کا ہدف مقرر کیا ہے۔ حکومت نئے بجٹ میں ٹیکس وصولیوں میں اضافہ اور غیر ضروری اخراجات میں کمی پر توجہ دے رہی ہے۔
