اسلام آباد: (Dailytoday Network) وزیر دفاع خواجہ آصف نے کہا ہے کہ یمن سے سعودی عرب پر ہونے والے حملوں کی صورت میں مکہ مشترکہ دفاعی معاہدہ آپریشنل ہو جائے گا۔
قومی اسمبلی میں اظہار خیال کرتے ہوئے خواجہ آصف کا کہنا تھا کہ معاہدے کے تحت ایک ملک پر جارحیت کو تینوں ملکوں پر جارحیت تصور کیا جائے گا۔
انہوں نے کہا کہ "ہم معاہدے کے تحت مدد کرنے کے پابند ہیں”۔ وزیر دفاع نے واضح کیا کہ پاکستان سعودی عرب کی سلامتی اور حرمین شریفین کے تحفظ کے لیے کسی بھی قربانی سے دریغ نہیں کرے گا۔
خواجہ آصف نے مزید کہا کہ خطے میں امن و استحکام کے لیے پاکستان اپنا کردار ادا کرتا رہے گا۔
یاد رہے کہ مکہ معاہدے پر پاکستان، سعودی عرب اور دیگر اسلامی ممالک نے دستخط کر رکھے ہیں۔
