بِسْمِ اللّٰهِ الرَّحْمٰنِ الرَّحِيْمِ
آج 12 ربیع الاول ہے۔ آج کا دن صرف چراغاں کرنے کا دن نہیں، بلکہ اپنے دل کو سیرتِ مصطفیٰ ﷺ کے نور سے روشن کرنے کا دن ہے۔
وہ نبی ﷺ جنہوں نے نفرت کے جواب میں محبت دی، ظلم کے مقابل صبر سکھایا، کمزور کو سہارا دیا اور دشمنوں کو معاف کر کے انسانیت کو بتایا کہ عظمت طاقت میں نہیں، کردار اور رحم میں ہے۔
میلادِ مصطفیٰ ﷺ کی خوشی مناتے ہوئے ہمیں خود سے سوال کرنا چاہیے: کیا ہماری زبان میں وہ نرمی ہے؟ کیا ہمارے معاملات میں وہ دیانت ہے؟ کیا ہمارے دل میں وہ رحم اور عدل موجود ہے؟
حضور اکرم ﷺ سے سچی محبت صرف نعروں تک محدود نہیں۔ سچی محبت یہ ہے کہ آپ ﷺ کی سنت ہمارے کردار میں نظر آئے۔
آئیے آج عہد کریں کہ ہم درود بھی پڑھیں گے، سیرت بھی پڑھیں گے اور سیرت پر چلنے کی کوش بھی کریں گے۔
اَللّٰهُمَّ صَلِّ وَسَلِّمْ وَبَارِكْ عَلَىٰ سَيِّدِنَا مُحَمَّدٍ ﷺ
یا اللہ! ہمارے دلوں کو محبتِ رسول ﷺ سے آباد فرما۔ آمین
DAILYTODAY.COM.PK کی جانب سے تمام اہلِ اسلام کو 12 ربیع الاول کی بابرکت نسبت مبارک ہو۔
