Saturday, December 10, 2022
HomeNational newsسینڈہرسٹ میں پاک برطانیہ دفاعی تعلقات کے 75 سال کی تقریب

سینڈہرسٹ میں پاک برطانیہ دفاعی تعلقات کے 75 سال کی تقریب

لندن: (31 مارچ (2022 پاکستان اور برطانیہ کے تعلقات کے 75 سال مکمل ہونے پر 31مارچ 2022 کو رائل ملٹری اکیڈمی سینڈہرسٹ میں تقریب کا انعقاد کیا گیا۔ اس تقریب کا اہتمام پاکستان کی ڈائمنڈ جوبلی کے ایک حصے کے طور پر کیا گیا ۔

ہائی کمشنر معظم احمد خان نے اپنی اہلیہ اور ہائی کمیشن کے افسران کے ساتھ استقبالیہ میں پاکستان کی نمائندگی کی۔ میجر جنرل ڈنکن کیپس سی بی ای، کمانڈنٹ رائل ملٹری اکیڈمی سینڈہرسٹ تقریب کے مہمان خصوصی تھے۔ تقریب میں سابق فوجیوں، کوئٹہ ایسوسی ایشن کے اراکین اور دونوں ممالک کے سول سوسائٹی کے نمائندوں نے شرکت کی۔

ہائی کمشنر معظم احمد خان نے اپنی اہلیہ اور ہائی کمیشن کے افسران کے ساتھ استقبالیہ میں پاکستان کی نمائندگی کی۔ رائل ملٹری اکیڈمی سینڈہرسٹ کےکمانڈنٹ میجر جنرل ڈنکن کیپس سی بی ای تقریب کے مہمان خصوصی تھے۔ تقریب میں فوجی سابق فوجیوں، برطانوی پاکستانی پارلیمنٹیرینز، کوئٹہ ایسوسی ایشن کے اراکین اور دونوں ممالک کے سول سوسائٹی کے نمائندوں نے شرکت کی۔

اس موقع پر اپنے خطاب میں ہائی کمشنر نے پاکستان اور برطانیہ کی دفاعی افواج کے درمیان مضبوط تاریخی تعلقات اور تعاون کی سطح کو سراہا۔ انہوں نے کہا کہ یہ خوش آئند ہے کہ پاک۔ برطانیہ دفاعی تعلقات کی 75 سالہ تقریب رائل ملٹری اکیڈمی سینڈہرسٹ میں منایا جا رہی ہے۔ انہوں نے کہا کہ تاریخی طور پر، پاکستان اور سینڈہرسٹ کے درمیان قریبی اور پائیدار روابط ہیں اور پاکستان کے بہترین اور ذہین افسران اس باوقار ادارے کے فارغ التحصیل ہیں۔

ہائی کمشنر نے کہا کہ گزشتہ 75 سالوں کے دوران پاکستان اور برطانیہ کے درمیان اقتصادی، سیاسی، ثقافتی، تعلیمی اور تکنیکی شعبوں میں تعلقات نئی بلندیوں پر پہنچ چکے ہیں۔ انہوں نے دونوں ممالک کے درمیان تعلقات کو مستحکم کرنے میں 16 لاکھ پاکستانیوں کے تعمیری کردار کو سراہا۔ ہائی کمشنر نے اس بات پر زور دیا کہ دونوں ممالک کے درمیان خیر سگالی کی موجودہ وراثت منفرد ہے اور اس نے دوطرفہ تعاون کو مزید مضبوط کرنے کا موقع فراہم کیا۔

کمانڈنٹ رائل ملٹری اکیڈمی سینڈہرسٹ میجر جنرل ڈنکن کیپس نے اپنی تقریر میں دونوں ممالک کے درمیان فوجی تعاون کے مختلف پہلوؤں پر روشنی ڈالی۔ انہوں نے کہا کہ دونوں ممالک کی افواج ایک جیسے پیشہ ورانہ معیار، اقدار اور ثقافت کی حامل ہیں اور ان کے درمیان تعلقات باہمی اعتماد اور افہام و تفہیم پر مبنی ہیں۔ انہوں نے کہا کہ برطانیہ عالمی امن و استحکام کی کوششوں میں پاکستان کے ساتھ شراکت دار ہے۔

کوئٹہ ایسوسی ایشن کے میجر جنرل سیوماس کیر،ڈیفنس نیول ایڈوائزرمحمد ذیشان نبی شیخ (ستارہ امتیازملٹری اور میجر جنرل صاحبزادہ اسفند یار پٹودی نے بھی دونوں ممالک کے درمیان دفاعی تعلقات پر بات کی۔ آرمی اور ایئر ایڈوائزر کرنل رانا محمد آصف خان،نے تقریب کی نظامت کی۔

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular