اسلام آباد: ذرائع کا کہنا ہے کہ ایک اہم پیشرفت میں، مسلم لیگ (ن) کے صدر اور قومی اسمبلی میں قائد حزب اختلاف شہباز شریف اور پی ٹی آئی کے ناراض رہنما جہانگیر خان ترین کے درمیان خفیہ ملاقات ہوئی جس میں وزیراعظم عمران خان کی برطرفی پر تبادلہ خیال کیا گیا۔
معتبر ذرائع نے دی نیوز کو بتایا کہ دونوں رہنماؤں نے چند روز قبل موجودہ حکومت کی قسمت پر بات کرنے کے لیے ملاقات کی تھی۔
وزیر اعظم عمران خان کے خلاف تحریک عدم اعتماد پیش کرنے کے اپوزیشن کے اعلان کے تناظر میں جب ترین سے رابطہ کیا گیا تو انہوں نے اس اہم اجلاس پر کوئی تبصرہ نہیں کیا۔
